Geiri og Annabella buðu í veislu

Það var svo sannarlega skemmtileg stund miðvikudaginn 16. desember s.l. þegar heimilisfólk og nokkrir starfsmenn DAB þáðu boð þeirra hjóna, Önnubellu og Geira bakara, um að koma og drekka alvöru súkkulaði og borða rjómatertu í Geirabakarí.  Þetta er annað árið í röð sem stund sem þessi á sér stað á aðventunni og í bæði skiptin hefur ánægjan skinið af heimilismönnum sem tök hafa haft á að þiggja þetta góða boð.  Ekki er nóg með að þeir sem mæta njóti veislufanga heldur nesta þau okkur með tertu sem þeir heimilismenn sem ekki eiga heimangengt fá að njóta.  Hafið þökk fyrir kæru vinir, Annabella og Geiri !