Líf og fjör á aðventunni

Desembermánuður og aðventan hefur svo sannarlega verið viðburðarríkur tími á DAB.  Okkar tryggu og góðu vinir í kvenfélögum héraðsins hafa heimsótt okkur með skemmtidagskrá og haft veitingar og veisluföng í farteskinu.  Samkór Mýramanna og Kór félags eldriborgara hafa komið og skemmt heimilisfólki. 

Aðventukvöld var haldið þar sem sóknarprestur okkar, Þorbjörn Hlynur Árnason predikaði og Kirkjukór Borgarneskirkju söng undir stjórn Steinunnar Árnadóttur. 

Leikskólabörn hafa einnig kíkt í heimsókn og sungið og fengið að skoða heimilið.  Öllum þessum aðilum viljum við þakka kærlega fyrir vinarhug og notalegheit í garð okkar heimilismanna og starfsfólks Dvalarheimilis aldraðra í Borgarnesi.