Sumarferð heimilisfólks

Sumarferð heimilisfólks og starfsmanna Dvalarheimilis aldraðra í Borgarnesi verður farin miðvikudaginn 23. júní n.k. Lagt verður af stað kl.10:00 og haldið sem leið liggur til Reykjavíkur, ef veður og skyggni verður gott er ætlunin að aka Hvalfjörðinn en annars verður farið í gegnum Hvalfjarðargöngin. Fyrsti áningastaður er Hótel Saga þar sem hádegisverður snæddur og síðan verður farið á Þjóðminjasafn Íslands og munir skoðaðir og drukkið kaffi.  Áætluð heimkoma verður um kl. 17:00. Allur ágóði af sölu á basar heimilismanna og kaffisölu starfsmanna sama dag rennur til þessarar árlegu ferðar.